Behin baino gehiagotan gertatu zait pentsatzea gure munduak galdu zuela bere kutsu misteriotsua : teknologia berriek eta orohar jakintza zientifikoek unibertso “desinkantatua” edo “deskafeinatua” ez ote digute inposatzen azkenean, sinesmenez husturik? Halere badirudi badela oraino, naturari behatuz, gauzen azaltzeko baita graziaz bizitzeko hainbat molde.
Azkenaldi honetan oroitzen naiz ardura gure aitamen etxe pareko lehen auzoaz. Joan den martxo ondarrean zendu zaigun Anddez. Hendaiarra zen sortzez eta arrantzalea. Erakusketa bat prestatzen ari nintzela marinelen memorioaz André-ren argazki batzu atxeman ditut. Eta marinel horien unibertsoa begi bistan agertu zait, Atlanteen erresuma uretik jalgi balitz bezala…
2011ko ekain bukaeran ideki zituen ateak Biarritzeko Ozeanoaren eta surfaren hiriak. Ilbarritzeko auzoan kokatua den zentro horrek itsas munduaren inguruko dibulgazio zientifikoa segurtatzea du helburu, familiei eta gazte belaunaldiei begira bereziki. “Biarritz Océan” egitasmoaren barnean sartzen da ekimen hori, honen osagaia Biarritzeko Itsas museo eraberritua denean. Bisita baten lehen inpresioak…
Uda honetan Baionako Ansot naturgunean bisitatzen ahal den arte erakusketa bereziak abere bitxi batzuen ezagutzera gonbidatzen gaitu. Gure kontsumoaren zibilizazioak ekoizten dituen ondarkinen erraietatik ateraiak. François Riou frantses artistak sortuak.
1871n Pariseko hiria frantses estadotik bereizirik bezala bizi izan zen bi hilabetez. Autoritate nagusiaren kontra eratuz. Orduko podereak bortizki eta itsuki erreprimitu zuen auto-gestio esperientzia berezi hori ez da ia aipatzen historia ofizialean, are guttiago zirkuito turistikoetan. Raspouteam taldeak memoria izkutatu hori berpiztu nahi izan du karrika artea eta QR kodeak uztartuz.
Webdokumentalak gero eta gehiago aipatzen dira internet sarean. Web-erreportaje formatu klasikotikz urrunduz, irakurleari toki nagusia uzten diote, historia deskubritzeko orduan. Nolazbait multimedian oinarritu historio elkarreragileak dira webdokumentalak. Egile baten ikusteko moldea adierazten duten espresabide ez linearrak.
Donostiako Ingurumen baliabideen etxera izan naiz joan den urtarrilean. Cristina Enea parkean kokatua den etxe eder hortan kontsumo jasangarriari buruzko erakusketa iraunkor bat aurkeztua da lehen estaian. Atsegina bai eszenografiaren aldetik bai edukien lanketaren aldetik.
Gure ondare pertsonala ezagutzen ote dugu azkenean? Gure famialiarena, hurbil zaizkigun pertsonena… Ardura eskura dugun historia intimo horren haritik ibiltzeak ez ote gaitu lotsatzen? Alta, goiz edo berant heldu da ondare pertsonal horrekilako elkarrizketa baten hasteko tirria….
Kultura eta natura ondarearen ezagutzeko hamaika bide direla eta…
2012. Ondarea eta mediazioa. Jakes Larre